Mbi 6 mijë euro për larjen e veturave të Qeverisë – kontratë pa konkurrencë

6,421€ për larjen e veturave – kontratë pa garë në Zyrën e Kryeministrit

Zyra e Kryeministrit të Albin Kurti ka nënshkruar një kontratë publike për larjen e automjeteve zyrtare, me vlerë prej 6,421.50 euro.

Sipas të dhënave zyrtare, kontrata është nënshkruar më 17 mars 2026 dhe i është dhënë kompanisë GMM Group SH.P.K..

Në këtë tender është pranuar vetëm një ofertë, e cila është shpallur e përgjegjshme, duke ngritur pikëpyetje për mungesë konkurrence në procedurën publike.

Kontrata parasheh shërbime për një periudhë 12-mujore, përfshirë:

1,300 larje të plota të automjeteve
30 larje të detajuara (pastrim i brendshëm i thelluar)
furnizim me 1,000 litra lëng për xhama

Edhe pse shuma prej mbi 6 mijë eurosh konsiderohet relativisht e ulët në raport me buxhetin shtetëror, mënyra e dhënies së kontratës dhe mungesa e garës kanë nxitur debat për menaxhimin e parasë publike.

Kjo vjen në një kohë kur qytetarët në Kosovë përballen me rritje të çmimeve dhe kosto më të lartë jetese.

/Zëri i Drenices/