Imami i xhamisë “Shaban Jashari” reagon për vdekjen tragjike të Miftar Lushtakut: “E lus Allahun ta mëshirojë dhe ta pranojë në Xhenet”

Imami i xhamisë “Shaban Jashari” në Skenderaj, Elbasan Xani, ka reaguar pas vdekjes tragjike të Miftar Lushtakut, i cili humbi jetën si pasojë e një aksidenti trafiku.

Në një mesazh prekës, ai bëri të ditur se i ndjeri ishte xhematli i rregullt dhe një figurë e respektuar në komunitet.

“Me dhimbje të thellë mora lajmin për vdekjen e xhematliut tim, Miftar Lushtakut, i cili pas namazit të teravisë, duke kaluar rrugën, u godit nga një automjet dhe si pasojë ndërroi jetë,” ka shkruar ai.

Imami theksoi gjithashtu lidhjen e veçantë që kishte me të ndjerin, duke treguar se ai kishte kontribuar edhe në edukimin e tij fetar.

“Profesor Miftarin e kam pasur xhematli, dhe edhe në moshë të shtyrë ai më ka mësuar shkronjat e Kur’anit,” u shpreh ai.

Në fund, ai i shprehu ngushëllime familjes së të ndjerit dhe bëri lutje për shpirtin e tij.

“E lus Allahun të mëshirojë shpirtin e tij, t’i falë gabimet dhe ta pranojë këtë teravi të fundit si argument për t’u futur në Xhenet. Allahu e mëshiroftë, ndërsa familjes së tij Allahu ua shtoftë durimin dhe i forcoftë në këtë dhimbje të madhe.”