Rritet çmimi i arit dhe naftës

Çmimet e naftës dhe arit kanë shënuar rritje të ndjeshme për shkak të tensioneve në rritje mes SHBA-së dhe Iranit.

Çmimi i naftës Brent u rrit në 71–72 dollarë për fuçi, duke arritur nivelin më të lartë në shtatë muaj të fundit.

Kjo rritje pasqyron shqetësimet e tregjeve për mundësinë e përshkallëzimit të konflikteve dhe ndërprerjeve të furnizimit në një nga rrugët më të rëndësishme tregtare të naftës në botë, Gjirin e Hormuzit, përmes të cilit kalon një pjesë e madhe e eksporteve globale të naftës.

Ndërkohë, çmimi i arit kaloi 5200 dollarë për ons, duke arritur rekorde të reja historike. Investitorët duket se po kërkojnë të mbrojnë kapitalin e tyre duke investuar në asete të sigurta, si ari, për shkak të pasigurisë së rritjes së tensioneve gjeopolitike.

📈 Oil and gold surge amid rising US–Iran tensions

Brent climbed to $71–72 per barrel — a seven-month high. Prices reflect the risk of escalation and potential disruptions in the Strait of Hormuz.

Gold surpassed $5,200 per ounce, hitting fresh records as investors move into… pic.twitter.com/FIU2Skp0cE
— NEXTA (@nexta_tv) February 24, 2026

Në këtë situatë, SHBA-ja ka vendosur një tarifë 25 për qind ndaj vendeve që bëjnë biznes me Teheranin, dhe po ashtu ka zgjeruar gamën e taksave të importit për produkte të ndryshme.

Këto masa i shtojnë tregut një “premium” rreziku gjeopolitik, duke e bërë situatën më të paparashikueshme për tregjet globale dhe duke ndikuar drejtpërdrejt çmimet e energjisë dhe metaleve të çmuara.

Në përgjithësi, rritja e çmimeve të naftës dhe arit reflekton shqetësimet e tregjeve lidhur me stabilitetin politik dhe ndikimet e mundshme ekonomike të konfliktit SHBA–Iran, duke shtuar presionin mbi investitorët dhe ekonomitë globale.