SHBA publikon pamje nga operacioni “Epic Fury” kundër Iranit, thotë se dëmet ishin minimale

United States Central Command (CENTCOM) ka njoftuar se nuk ka pasur viktima apo të lënduar amerikanë pas sulmeve të ndërmarra kundër objektivave në Iran.

Në një deklaratë të publikuar në rrjete sociale, CENTCOM bëri të ditur se dëmet në objektet amerikane ishin minimale dhe nuk kanë ndikuar në operacionet ushtarake, duke shpërndarë edhe pamje nga aksioni ushtarak.

“Pas një vale fillestare sulmesh amerikane dhe të partnerëve, forcat e CENTCOM u mbrojtën me sukses kundër qindra raketave dhe dronëve iranianë. Nuk pati raportime për viktima ose lëndime amerikane në luftime. Dëmi në objektet amerikane ishte minimal dhe nuk ndikoi në operacione”, thuhet në deklaratë.

Sipas njoftimit, sulmet u kryen në kuadër të operacionit të quajtur “Epic Fury”, ku u përdorën municione precize të lëshuara nga ajri, toka dhe deti, si dhe dronë sulmues njëdrejtimësh.

Në reagim thuhet se objektivi i operacionit ishte mbrojtja e popullit amerikan dhe eliminimi i kërcënimeve të menjëhershme nga regjimi iranian, duke theksuar se veprimet janë ndërmarrë me urdhër të presidentit të SHBA-së.

As the President stated, our objective is to defend the American people by eliminating imminent threats from the Iranian regime.

The President ordered bold action. CENTCOM forces are delivering an overwhelming and unrelenting blow. pic.twitter.com/B0k5gV4YnU
— U.S. Central Command (@CENTCOM) February 28, 2026