Teksa paralelisht zhvillohej finalja e BBVK 4, Edi dhe Labi hyjnë ‘live’ në TikTok duke bojkotuar mbrëmjen finale

Teksa finalja e madhe e Big Brother VIP Kosova 4 po zhvillohet në Klan Arena dhe shumica e ish-banorëve të eliminuar janë pjesë e mbrëmjes përmbyllëse, dy prej tyre kanë zgjedhur një tjetër skenar.

Labinot Rexha dhe Eduard Kuçi nuk janë parë në ambientet e finales, ndryshe nga banorët e tjerë që u rikthyen për të ndjekur shpalljen e fituesit nga afër.

Në vend të pranisë në Klan Arena, ata kanë shijuar një kafe dhe janë futur “live” në TikTok, ku kanë komentuar situatën dhe kanë ndarë momente me ndjekësit e tyre.

“Vendimi ynë ishte i thjeshtë: të ndjekim finalen në mënyrën tonë dhe të ndajmë momentet direkt me ju,” kanë shkruar Edi dhe Labi gjatë transmetimit live.

Ky veprim është interpretuar nga disa si formë bojkoti ndaj mbrëmjes finale, ndërsa të tjerë e kanë parë si zgjedhje personale për të ndjekur finalen sipas stilit të tyre.

Finalja e BBVK 4 vazhdon me emocione të forta në studio, ndërsa reagimet në rrjetet sociale nuk kanë munguar për mungesën e dy ish-banorëve në natën vendimtare.