Artani për Brikenën: “B*shtra, desh të më provokonte”/ Reagojnë familjarët

Deklarata në BBVA shkakton reagime dhe kërkesa për ndërhyrje nga produksioni

Një diskutim mes banorëve në Big Brother VIP Albania ka shkaktuar tensione, pasi një deklaratë e Artanit është interpretuar si ofenduese ndaj Brikenës.

Gjatë një bisede në grup, ku ishte e pranishme edhe Brikena, Artani përdori një frazë nga filmi shqiptar Vdekja e kalit.

“Vdekja e kalit, kur i tha ‘B*shtra, desh të më provokonte’. E keni parë filmin?”, u shpreh ai në mënyrë ironike.

Kjo deklaratë nxiti reagimin e menjëhershëm të Brikenës, e cila kërkoi sqarim për përdorimin e kësaj shprehjeje.

“Qysh? Çfarë ka lidhje kjo ‘B*shtra desh të më provokonte?’”, reagoi ajo.

Reagimi i familjarëve

Ngjarja ka marrë vëmendje edhe jashtë shtëpisë. Familjarët e Brikenës, të cilët menaxhojnë profilet e saj në rrjetet sociale, kanë reaguar publikisht duke e dënuar gjuhën e përdorur.

Në një reagim në Instagram, ata e cilësuan deklaratën si të papranueshme dhe kërkuan ndërhyrjen e produksionit.

“Loja ka limite, por edukata është detyrim. Është e turpshme që një banor përdor krahasime me filma për të ofenduar Brikenën. Nuk do të lejojmë asnjë lloj bullizimi ndaj saj”, thuhet në reagim.

Familjarët theksuan se presin një qëndrim zyrtar nga produksioni lidhur me këtë incident.