Vedat Muriqi: “Do të dilja në pension i lumtur nëse Kosova shkon në Kupën e Botës” Sulmuesi i Kosovës, Vedat Muriqi, ka folur për ëndrrën e madhe të përfaqësueses së Kosovës për të marrë pjesë për herë të parë në një Kupë Bote. Në një intervistë për FIFA, Muriqi ka theksuar se ky do të ishte një moment historik për të dhe për gjithë vendin. Kosova është në garë për një vend në Kupën e Botës 2026, duke kaluar përmes fazës së “play-off”-it evropian. Ekipi duhet të kalojë gjysmëfinalen ndaj Sllovakisë dhe më pas të përballet me Turqinë ose Rumaninë për një vend në finale. Muriqi ka theksuar se përfaqësimi i Kosovës në një kompeticion të tillë do të ishte kulmi i karrierës së tij: “Do të ishte një moment i rëndësishëm në karrierën time. Një nga ëndrrat e mia është të përfaqësoj Kosovën në një Kupë Bote.” Ai shtoi se një sukses i tillë do ta bënte atë të konsideronte edhe përfundimin e karrierës së tij futbollistike. Duke folur për rrugëtimin e deritanishëm, Muriqi ka përmendur sfidat e fillimit dhe humbjen ndaj Zvicrës, por edhe përmirësimin e ekipit në ndeshjet pasuese. Ai vlerësoi punën e trajnerit Franco Foda dhe ndryshimet taktike që ndihmuan në rezultatet pozitive ndaj skuadrave të forta si Suedia dhe Sllovenia. Muriqi theksoi se Sllovakia është një kundërshtar i fortë dhe i organizuar mirë, duke përmendur lojtarë me cilësi të lartë në skuadër. Ai paralajmëroi se ndeshja do të jetë e vështirë, por jo e pamundur për Kosovën. Kapiteni i Kosovës tha se ëndërron një finale në Prishtinë dhe mbështetje të madhe nga tifozët, duke e cilësuar këtë si një mundësi historike për vendin. Ai shtoi se skuadra po rritet dhe në të ardhmen mund të bëhet një kundërshtar shumë i fortë për çdo ekip. Muriqi theksoi se Kosova ka bërë progres të madh që nga debutimi i tij në vitin 2016, duke u ndërtuar si një skuadër konkurruese me lojtarë që luajnë në liga të forta evropiane. Ai u shpreh se ekipi ka potencial të madh për vitet në vijim. Sa i përket formës së tij personale, Muriqi u shpreh i kënaqur me performancën në sezonin aktual, duke shënuar gola të rëndësishëm dhe duke qenë ndër sulmuesit më të mirë. Ai theksoi krenarinë për paraqitjet e tij në një ligë të fortë si La Liga dhe motivimin për të vazhduar. /Zëri i Drenices/ Related PostsShtrenjtim i ri: Nafta në Kosovë arrin... Nafta arrin 1.72€ në Kosovë – rritje e re godet...Read moreKFOR reagon pas stërvitjeve të Ushtrisë Serbe... Gjatë ditës së sotme, qytetarë nga disa fshatra të Gjilanit...Read moreTahiri: Është një puç që po i... Shefi i Grupit Parlamentar të Aleancës për Ardhmërinë e Kosovës...Read more Post navigation Milani i pakënaqur me gjykimin, katër vendime të diskutueshme në dy ndeshjet e fundit
